Opisyal na Inanunsyo ng Chanel si A$AP Rocky bilang Pinakabagong Ambassador Nito
Dati nang ambassador sa Bottega Veneta, ang rapper na si A$AP Rocky ay kakatalaga lang bilang opisyal na ambassador ng Chanel. Kamakailan, namataan ang rapper sa mga kalye ng New York City, nakaluhod at tila magpo-propose sa aktor na si Margaret Qualley, na siyempreʼy nagpasiklab ng samuʼt saring tsismis online.
Ngayon, malinaw na nakunan lang pala ang rapper sa likod ng kamera para sa kanyang unang campaign shoot para sa Chanel, na opisyal na ilulunsad sa Disyembre 2 bilang bahagi ng Métiers d’art 2026 collection ng brand.
Tungkol sa bago niyang papel sa house, ibinahagi ni Rocky: “Ang imahinasyon ni Matthieu ang nagtutulak sa fashion pasulong. Maselan at matapang ang pakiramdam ng kanyang mga disenyo; nakasandig ang mga ito sa realidad pero, sa parehong oras, palaging nang-aakit mag-isip at magtaka. Sobrang excited akong makita siya sa CHANEL.”
Tingnan ang post na ito sa Instagram
Ka-echo ng naturang excitement ang creative director na si Matthieu Blazy, na nagdagdag pa: “Si Rocky ay isang kahanga-hangang artist na ibinubuhos ang puso at kaluluwa sa bawat proyektong hinahawakan niya, bukod pa sa pagiging isang napakagandang tao. Musician, aktor, ama, kaibigan… napakarami niyang naidudulot at palagi siyang naghahatid nang may kabutihang-loob. Sobrang saya namin na tanggapin siya sa CHANEL at sabik akong makatrabaho siya muli.”
Silipin ang opisyal na teaser sa itaas at manatiling nakaabang para sa mas marami pang ganap mula kina Rocky at Chanel.
Sa iba pang balita, nag-anunsyo ang Jacquemus at Nike ng isang après-ski collection.
