Binabago ng BY:ERA ang Iyong Skincare Routine
Sa tulong ng bagong lineup ng products na nakasuporta sa natural na skin evolution mo.
Humahango ng inspirasyon mula sa Italian dermatological science, ang bagong global beauty brand naBY:ERA ay naglalayong kumonekta sa natural na balat— sa likas nitong ebolusyon nang walang sagabal. May ugat sa Milan, itinuturing ng BY:ERA angskincare routines bilang isang ritwal na hinubog ng pharmaceutical practices — sa hangaring tanggalin ang anumang sobra at bigyang-diin ang pangmatagalang resulta.
“Pinagsasama ng pananaw ng BY:ERA ang dermatological heritage, pharmaceutical rigor at isang ritual-based approach na itinuturing ang ebolusyon ng balat bilang bahagi ng isang mas malawak na naratibo, hindi bilang problemang kailangan lang ayusin,” ayon sa brand sa isang press release. Nakasandig sa mga prinsipyong ito, tinitingnan ng BY:ERA ang skincare bilang isang araw-araw na ritwal na nakalaan para alalayan ang balat sa bawat yugto nito.
Inilarawan ng brand bilang mga “anchor” nito, ang Time Traveller day cream at ang Time Block night cream ay nilikhang iangat ang iyong routine sa pamamagitan ng pangmatagalang hydration habang sabay na pinoprotektahan ang balat mula sa loob. Higit pa rito, kasama rin sa lineup ng brand ang mgaserum, eye treatment at sunscreen — na pawang espesyal na binuo para magbigay-balanse sa iyong routine at isulong ang panghabambuhay na kalusugan ng balat.
Ang BY:ERA lineup ay may presyong nasa pagitan ng $40 USD hanggang $170 USD at mabibili sawebsite ng brand.
Habang nandito ka na rin, basahin mo rin ang tungkol sa bagong hair care line na itinatag ng hair designer sa likod ngStranger Things.
