Lumalangoy ang Simuero sa Karagatan sa Kanilang ‘Delfina’ Collection
Tampok ang dolphin motifs at mga dumadaloy na silweta.
Magaspang na buhangin sa ilalim ng iyong mga paa, malamig na tubig at maalat na balat—lahat ito’y kaakibat ng Spanish jewelry na brand na Simuero. Nakaugat sa mga organikong anyo at sustainable na craftsmanship, lumilikha ang brand ng mga pirasong higit pa sa pagiging simpleng palamuti.
Para sa pinakabagong koleksiyon nitong “Delfina,” humuhugot ang Simuero ng inspirasyon mula sa simbolismo ng dolphins at mga organikong hugis upang lumikha ng pitong handcrafted na pirasong dinisenyo para ibahagi, isuot at ipamana. Makikita rito ang tatlong singsing, isang kuwintas, hikaw, pulseras at sinturon, na lahat iniaalok sa pilak at ginto para bumagay sa iyong kasalukuyang rotation, habang sinasalamin ang galaw ng karagatan at ang silweta ng isang dolphin.
Lahat ay nilikhang tumagal sa paglipas ng panahon—mga pirasong paraingatan at pahalagahan. Kaakibat ng prosesong artisanal na ito ang di-kasakdalahan, na ang ibig sabihin ay natatangi ang bawat piraso. Ang mga founder na sina Jorge at Rocío ang nasa likod ng buong proseso, at ibinabahagi sa kanilang website, “Kami mismo ang nagde-design, gumagawa at nagsusuot ng bawat piraso, inilalapat ang bahagi ng kung sino kami sa bawat objetong nililikha namin.”
Lumilikha ang mga pirasong ito ng ugnayan sa pamamagitan ng isang bagay na konkretong mahahawakan, personal at walang kupas. Bilhin na ang “Delfina” capsule ngayon sa pamamagitan ng website ng brand.
Samantala, silipin ang mga pinaka-mainit na brand at must-buy ayon sa pinakabagong Lyst Index.
