Sa Wakasss: Emma Chamberlain May Sariling Homeware Line Na
Offbeat na fashion, kape at isang nakakatuwang tahanan—alam mo na, iisa lang ang puwedeng maging may-ari niyan: Emma Chamberlain. Ang internet star na naging all-around celeb ay maglulunsad ng kaniyang kauna-unahang homeware collection, at hindi kami makapaniwalang ngayon lang ito nangyari.
Kasama ang West Elm, dinadala ni Chamberlain ang kaniyang kakaibang aesthetic sa mga furniture piece, lighting, tableware, textiles at mga dekorasyong accessory. Pinaghalo sa koleksiyong ito ang California cool vibe at design language ng West Elm para lumikha ng mga pirasong mag-aangat sa itsura ng iyong tahanan—kung naghahanap ka man ng pang-kumpleto sa maliit na espasyo, pangdagdag ng expressive na karakter, o simpleng pang-araw-araw na comfort.
Sobrang personal ng lineup, na may mga design motif na hango sa mga tattoo ni Chamberlain at halo ng iba pa niyang personal na iconography na isinasalin sa malalaro at masasayang design moments—eksaktong repleksiyon ng kaniyang signature charm. Pinagsasama sa showcase ang postmodernism at mid-century furniture sa pang-araw-araw na pamumuhay sa pamamagitan ng vintage na dating, wood tones, chrome accents at lacquered na mga surface para sa dagdag na contrast at kislap. Asahan ang rounded silhouettes at graphic profiles na lumilikha ng sculptural na decor na malambot at nakakaengganyong tingnan. Sa mga tampok na piraso, standout ang novelty pigeon mug (isa sa mga paborito niyang hayop) at isang lacquered na nightstand bilang chic na accent sa iyong bedroom.
Sinusuportahan ang drop ng isang campaign na parang fashion editorial, kuha sa lente ni Brianna Capozzi, kung saan makikita si Chamberlain na nagpapahinga sa espasyong siya mismo ang nagdisenyo. Available na ang koleksiyon sa West Elm website.
Sa ibang balita, i-check out ang fresh na denim collab mula sa GUESS JEANS at HYSTERIC GLAMOUR.
