Nagiging Mas Personal ang Miu Miu Para sa FW26
Sa pagdiriwang ng “Mindful Intimacy,” Miu Miu’s Fall/Winter 2026 Paris Fashion Week fashion show ay sinisiyasat ang katawan ng tao sa gitna ng lawak ng mundo. Ang koleksiyon ay tungkol sa “pagmamay-ari at kapangyarihan sa sarili mong katawan, sa sarili mong pagkatao at halaga,” pagbabahagi ni Miuccia Prada sa show notes. “Isang pagbaling sa ating mga katawan, isipan, sa ating mga sarili, na dapat nating pag-ukulan ng tunay na atensyon.”
Binago ng creative director ang mararangyang bulwagan ng Palais d’Iéna bilang isang luntiang entablado, patunay na nananatiling makapangyarihan sa kultura ang kaniyang bisyon para sa “modern girl” habang literal pa ring kayang “humipo ng damo.” Ang runway, na dinaluhan nina Little Simz at Tyla, ay muli na namang naging isang casting masterclass. Tampok sa lineup ang samu’t saring talento tulad nina Gillian Anderson, Yeonjun, Kristen McMenamy, Sofia Isella at Chloë Sevigny, na nagbalik sa brand makalipas ang ilang dekada mula nang una siyang rumampa para rito.
Tingnan ang post na ito sa Instagram
Gumalaw ang mga personalidad na ito sa isang scenography na dinisenyo bilang isang ligaw na kagubatan sa loob ng isang palazzo, isang dobleng panorama na kumakatawan sa napakalawak na karanasang pantao. Nasa puso ng koleksiyon ang teknikal na mga detalye ng disenyo, na nakatuon sa mga kasuotang yumayakap sa katawan. Maingat na binalanse ng material palette ang tamis ng cotton poplin at ribbon bows sa bigat ng shearling-lined tweeds at leather. Dahil inuuna ang lambot, ang mga pirasong ito ay hindi lang basta nakadampi sa balat; para talagang yumayapos sila sa iyo. Para sa Miu Miu, ito’y tungkol sa pakiramdam ng mga hinugasang tela at isang sensualidad na gamit-na-gamit at nabubuhay sa araw-araw.
Tingnan ang post na ito sa Instagram
Habang inuuna ng mga damit ang makata at emosyonal na dating, ang mga sapatos naman ay matapang na lumiko tungo sa mas istrukturadong silhouettes. Lumihis ngayong season sa mga dainty flats at pinaboran ang mga pirasong nagbibigay-sentro sa mas matatag, halos industriyal na estetika, na lalo pang sumasagisag sa natatanging identidad ng Miu Miu woman. Kabilang sa mga silhouette na ito ang mga neutral-toned na mules at mga bagong sneakers na may pirma ng brand na bubble soles na pinalamutian ng kristal. Samantala, ang mas rugged na alok ay isang mataas, mukhang pinaglakaran nang husto na bota — perpekto para sa pagmartsa sa mala-damong set design ng brand.
Ngayong opisyal nang tapos ang Paris Fashion Week FW26, bakit hindi mo silipin ang buo naming recap?
