Best Dressed Celebrities sa 2026 Oscars
Kagabi sa Los Angeles, nagliwanag ang ika-98 Academy Awards sa Hollywood sa lahat ng paandar na kilala ang seremonyas: isipin ang high-glam fashion, nakakaantig na mga talumpati, at ilang binawasang biro sa gitna. Habang nagsasama-sama ang pinakamalalaking pangalan ng industriya para ipagdiwang ang taong nagdaan sa pelikula, muling napatunayan ng red carpet na kasing pamatay ito ng mismong mga parangal. Mula sa fresh-off-the-runway na mga showstopper hanggang sa understated na karangyaan, naghatid ang gabi ng sandamakmak na hindi malilimutang style moments.
Pagdating sa mga parangal, halos inangkin ng gabi ang One Battle After Another, na namayagpag sa seremonya sa anim na panalo, kabilang ang Best Picture, Best Director at Best Supporting Actor. Isang malaking milestone ang tagumpay para sa direktor na si Paul Thomas Anderson, na sa wakas ay nag-uwi ng kanyang unang Oscar matapos ang mahigit tatlong dekada sa industriya. Sumulat din ng kasaysayan si Jessie Buckley nang masungkit niya ang Best Actress para sa kanyang pagganap na hubad sa emosyon sa Hamnet at maging ang kauna-unahang Irish na babae na nakapag-uwi ng naturang parangal.
Ang Best Actor category ang isa sa pinakanatutukang labanan ng gabi, may samu’t saring prediksyon, botohan at online na diskurso bago ang okasyon, lalo na matapos ang mga kontrobersyal na pahayag ni Timothée Chalamet tungkol sa opera mas maaga noong linggo. Sa huli, napunta ang parangal kay Michael B. Jordan para sa kanyang papel sa Sinners, ang pelikulang pumasok sa seremonya na may record-breaking na 16 nominations. Samantala, Marty Supreme ang isa sa pinakamalalaking sorpresa ng gabi, umuwing walang bitbit sa kabila ng malawakang papuri sa performance ni Chalamet—pahiwatig na maaaring nasa unahan pa ang tunay niyang Oscar moment.
Siyempre, lampas sa mga tropeo at talumpati, naghatid din ang red carpet ng sarili nitong mga standout na sandali. Mula sa mga new-season na Chanel hanggang sa matitinding tailoring, todo-bigay ang mga bituin sa kanilang fashion A-game. Narito ang aming breakdown ng best-dressed celebrities sa 2026 Oscars.
Chase Infiniti in Louis Vuitton
Jessie Buckley in Chanel
Teyana Taylor in Chanel
Timothée Chalamet in Givenchy by Sarah Burton
Odessa A’zion in Valentino
Mikey Madison in Dior
Michael B Jordan in Louis Vuitton
Zoe Saldaña in Saint Laurent
Jacob Elordi in Bottega Veneta
Elle Fanning in Givenchy by Sarah Burton
Emma Stone in Louis Vuitton
Mia Goth in Dior
Hudson Williams in Balenciaga and Bulgari
Demi Moore in Gucci
