Lahat ng Alam Namin Tungkol sa ‘The Summer I Turned Pretty’ Movie (So Far)
Mula sa possible na plot twists hanggang sa mga inaabangang production dates.
Noong nakaraang tag-init, kami (at literal na buong internet) ay tuluyang nahumaling sa TV show The Summer I Turned Pretty.Wala na talagang ibang tawag dito kundi isang phenomenon—inuukupa ng debates ang feeds natin at pati mga celebrity ay nakisawsaw… Kabilang na rito si Jennifer Lawrence na hindi rin napigilang magbigay ng mahabang komento. Team Jeremiah ka man o team Conrad, aminado tayong ang teen love triangle na ito ay sobrang satisfying panoorin sa TV.
Ngayon, para punan ang The Summer I Turned Pretty-shaped hole sa puso natin, bibigyan naman tayo ng isang feature-length film para ipagpatuloy ang kuwento nina Belly, Conrad, Jeremiah at ng buong tropa. Nakatakda nang magsimula ang production sa Abril 27 sa Wilmington, North Carolina.
Halo-halo ang feelings ng fans—marami ang super excited, pero marami rin ang kinakabahan kung ano ang maaaring idulot ng pagpapatuloy ng kuwento sa mga karakter. Ang original series ay nakabase sa mga nobela ni Jenny Han, na bahagi rin ng writing team ng show. Kahit may ilang detalye na binago para sa TV, nagtatapos ang kuwento halos sa parehong punto gaya sa mga libro. Pero may ilan pa ring tanong na nakabitin. Halimbawa, ano na nga ba talaga ang nararamdaman ni Jeremiah, at magkakaayos ba ang magkapatid? Iiwan ba ni Belly ang buhay niya sa Paris? Sigurado kaming malilinawan din ang lahat.
Sa ngayon, wala pang eksaktong petsa ng paglabas ng film, pero malamang ay sa 2027 pa ito mapapanood. At kung may isang bagay na itinuro sa atin ng seryeng ito, iyon ay na ang love story ni Belly ay kailanma’y hindi talagang tapos. Manatiling nakaabang para sa mga susunod na updates.
Sa ibang balita, i-check out ninyo ang chic na collaboration na ito ng Kulani Kinis at Oceanus.
