Eksibit na Ito Pinagtatapat ang Fashion Rebels na sina Vivienne Westwood at Rei Kawakubo
Magkaibang kontinente, magkaibang kulturang konteksto, ipinanganak na isang taon lang ang agwat, ito sina Vivienne Westwood at Rei Kawakubo. Sa kauna-unahang pagkakataon, ang NGV museo sa Melbourne ay pinagsasama ang dalawang fashion iconoclast sa iisang eksibisyon.
Ang British na designer at ang Japanese na designer (ng Comme Des Garçons) ay mga radikal na lumalabag sa mga patakaran, hinahamon ang status quo ng fashion, at ngayon ang mga kinikilalang koleksiyon nila ay ipinagdiriwang sa buong mundo dahil sa pagkuwestiyon sa mga pamantayan ng kasarian at kagandahan, panlasa, at mismong tungkulin ng damit.
May pamagat na “Westwood | Kawakubo,” tampok sa eksibisyon ang mahigit 150 disenyo na sumisiyasat sa mga pagkakatagpo at pagkakaiba ng dalawang “rebelde ng fashion world.” Nakaayos ito ayon sa tema, sinusundan ang malalaking koleksiyon nila mula dekada ’70 hanggang sa kasalukuyan. Iniimbitahan ang mga bisita na pagnilayan kung paano binago nina Westwood at Kawakubo ang fashion sa kabuuan ng kanilang mga karera. Higit pa sa damit, tampok din ang archival materials, photography at runway footage na nagbibigay sa audience ng mas malalim na sulyap sa mga isipang nasa likod ng mga kasuotan.
Kabilang sa mga tampok na piyesa ang punk ensembles ni Westwood mula huling bahagi ng dekada ’70, na pinasikat ng mga banda sa London gaya ng The Sex Pistols, isang romantikong tartan gown mula sa koleksiyong Fall/Winter 1993–94 ni Westwood na lalo pang sumikat nang isuot ni Kate Moss sa runway; at ang orihinal na bersiyon ng corseted wedding dress mula sa Fall/Winter 2007–08, na isinuot ni Sarah Jessica Parker sa Sex and The City: The Movie, sa ngayo’y bantog na mga eksena. Mula naman kay Kawakubo, matatagpuan ang sculptural petal ensemble na isinuot ni Rihanna sa Met Gala noong 2017, pati na ang mga disenyong isinuot nina Lady Gaga at Katy Perry. Ipinapakita ng showcase ang dalawang tinig bilang magkatabi ngunit lubos na natatangi sa isa’t isa.
Ang “Westwood | Kawakubo” ay mapapanood hanggang Abril 19, 2026, sa NGV International, Melbourne.
Sa iba pang art news, silipin ang lahat ng pinaka-cool na moments mula sa Art Basel Miami.
