Dua Lipa at YSL Beauty, in-launch ang bagong pabango na “Libre Berry Crush”
Narito na ang bagong “Libre Berry Crush” Eau de Parfum mula YSL Beauty kasama si Dua Lipa.
YSL Beauty ay opisyal nang pinalalawak ang koleksiyong “Libre” ng mga pabango. Para sa paglabas ng bagong “Libre Berry Crush” Eau de Parfum, kinuha ng brand ang global ambassador na si Dua Lipa upang magbida sa sensorial na kampanyana hinango sa presko at prutasang mga nota ng halimuyak.
“Ang pelikula ay isang biswal na pagdiriwang ng raspberry at matatamis na tono ng halimuyak. Mapaglaro at mapanukso ito nang hindi lantaran ang pagiging sexy. Nananabik at nakatatakam, pino ngunit nakakagana, sa isang cinematic na paraan“,” ayon sa direktor na si Diane Kunst sa isang press release. Humuhugot sa pagkahumaling ng internet sa female gaze, niyayakap ng kampanya ang pilya at flirty na feminine na karakter ng “Libre Berry Crush.”
Inilarawan ng YSL bilang “babad sa batang, sexy at makatas na sarap ng raspberry,” ang halimuyak na ito ang kauna-unahang fruity at floral na pabango sa “Libre” lineup. Nilikhâ ng mga master perfumer na sina Anne Flipo at Carlos Benaim, pinayaman ang “Libre Berry Crush” ng raspberry, niyog, orange blossom at lavender para sa isang scent profile na kasing-kumplikado ng tamis nito.
Ang “Libre Berry Crush” Eau de Parfum ay nagkakahalaga ng $180 USD at mabibili sa website ng brand.
Habang nandito ka na rin, basahin din ang tungkol sa vintage designer capsule ng Saie.
