Inilabas ni Bella Hadid ang Kanyang Pangarap na Orebella Scent Bilang Pagdiriwang ng Kanyang Kaarawan
Ilang sandali bago ang ika-30 kaarawan ni Bella Hadid, pinalalawak ng Orebella ang kanilang Body & Hair Perfume Mist collection sa pamamagitan ng “Vanilla’s Touch,” isang bagong musky gourmand scent na sasama sa “Gardenia’s Whisper,” “Nectar Dew,” at “Golden Brulee” sa kanilang lineup. Nilikha kasama ng perfumer na si Jérome Epinette, pinagsasama ng halimuyak na ito ang sheer vanilla, marshmallow, at musk para magbigay ng tinatawag na second-skin feeling.
“Matagal ko nang pangarap na lumikha ng isang tunay na soft vanilla scent na nagdaragdag lang ng kaunting tamis sa balat,” pahayag ni Hadid sa isang press release. “Eksaktong ganyan ang ‘Vanilla’s Touch’ — isang tamis na dumadapo sa iyong balat na tila ba sadya itong naroon mula pa noong una.”
View this post on Instagram
Nagbubukas ang halimuyak na ito gamit ang notes ng sugar accord, marshmallow, at sheer vanilla, at kalauna’y magiging amoy transparent florals at whipped cream bago lumabas ang base na soft woods, skin musk, at white musk. Siksik sa hydrating rice water, ang alcohol-free at bi-phase na formula nito ay nagiging isang weightless mist kapag inalog, kaya’t ligtas itong gamitin para sa katawan at buhok. Tulad ng ibang produkto sa koleksyong ito, ang “Vanilla’s Touch” ay vegan at cruelty-free.
Nagkakahalaga ng $39 USD ang “Vanilla’s Touch” Body & Hair Perfume Mist, at maaari na itong mabili sa website ng brand simula Oktubre 2.
Sa iba pang balita, kalalabas lamang nina Ariana Grande at ng r.e.m. beauty ng kanilang En Pointe Holiday Collection.
