Mga Eksibit na Dapat Puntahan ngayong International Women's Month
Pagpupugay sa mga kababaihang artista sa buong mundo.
Tuwing Marso, International Women’s Month ay isang makapangyarihang paalala sa mga kababaihang humubog at patuloy na muling humuhubog sa tanawin ng kultura. Sa mundo ng sining, historikal at sabay na napapanahon ang bisa ng impluwensyang iyon. Mula sa matagal nang dapat na retrospektiba ng mga nangunang personalidad hanggang sa mga pagtatanghal na itinutulak sa hangganan ng bagong henerasyon ng mga disruptor, mga eksibisyonna iniaalay sa mga babaeng artista ay hindi lang simpleng pagdiriwang; mga pagwawasto at muling pag-angkin din ang mga ito ng matapang na mga bisyon para sa hinaharap.
Sa iba’t ibang global art capitals gaya ng London at New York, itinatampok ng mga institusyon ang mga kababaihang ang praktis sa sining ay sumasaklaw sa pagpipinta, iskultura, potograpiya, digital media, performance at marami pang iba. Sinusuri at inuusisa ng mga eksibisyong ito ang identidad, pulitika, teknolohiya at ang katawan, at madalas hinahamon ang mga sistemang minsang nagtabi sa kanila. Maging sa muling pagbabalik sa mga naunang nangahas na hindi nabigyan ng sapat na pagkilala noon o sa pagbibigay-entablado sa mga bagong tinig na muling nagtatakda kung ano ang maaaring maging anyo ng contemporary art, kapansin-pansing may agarang bigat at pangangailangan ang mga programang tampok ngayong season.
Narito ang isang curated list ng mga eksibisyon ng mga babaeng artista na hindi dapat palampasin ngayong International Women’s Month—mula sa pinakamalaking showcase sa karera ni Rose Wylie sa edad na 91, hanggang sa Every Woman Biennial sa New York.
Rose Wylie, London
Rose Wylie, Snowwhite (3), with Duster, 2018. Courtesy of David Zwirner. Photo: Jo Moon Price
Isa sa pinakamabigat na pangalan sa art world si Rose Wylie. Sa edad na 91, itinatanghal ng kinikilalang British painter ang pinakamalaking eksibisyon ng kanyang karera sa Royal Academy, na pinamagatang The Picture Comes First. Isa itong malalim na retrospektiba na tampok ang 90 obra na nagkukuwento sa kahanga-hanga niyang karera. Sumasaklaw sa paghihimagsik, pagkamalikhain at sa karanasang maging babae sa art world, ito ang eksibisyong hindi mo dapat palampasin kung nasa London ka.
Beatriz González, London
Beatriz Gonzalez, Barbican
Ang Barbican ay nagtatanghal ng isang malaking retrospektiba para sa makabagong Colombian artist at curator na si Beatriz González. Kauna-unahan niyang solo show sa UK at pinakamalaki niya sa buong Europe, pinagbubuklod ng eksibit na ito ang anim na dekada ng mga obra ni González mula 1960s hanggang sa kasalukuyan. Sa pamamagitan ng mga painting, sculpture at mahahalagang public installation, patuloy na nakikipagdiyalogo ang artista sa mundong nakapaligid sa kanya at muling iniisip kung ano ang kayang sabihin ng sining tungkol sa kapangyarihan at alaala.
Joanna Van Son, London
Joanna Van Son ay isa sa dapat mo nang ilagay sa iyong radar. Naka-exhibit siya sa Saatchi Yates, kung saan sinisiyasat ng mga painting ang malapit at personal niyang pagkahumaling sa partner niyang si Lilah, hinuhuli ang masigla at lubos na personal na mga sandali sa kanilang buhay. Para sa unang solo exhibition ng artista sa gallery na ito, asahan ang mga painting na nagpapakita ng dumadaloy na mga portrait nina Van Son at Lilah, binuo sa makakapal na patong ng pintura at impasto.
Every Woman Biennial, New York
Olga Spiegel, “Looking for The Big Bang”
Ang Every Woman Biennial, ang pinakamalaking biennial sa mundo para sa kababaihan at non-binary, ay ipinapakita ang ika-6 nitong edisyon, SPECTALiA! Tampok sa showcase ang mga obra at performance ng mahigit 400 artista at matutunghayan ito sa isang pinalawig na month-long exhibition na kasabay ng International Women’s Day sa Pen + Brush. Saklaw ng makulay at sari-saring eksibisyon ang painting, photography, video installation, sculpture, mixed media at marami pang iba. Ito ang klase ng pagdiriwang na nararapat sa kababaihan.
Gabriele Münter, New York
Gabriele Münter, Head of a Young Girl (JungesMädchen)
Ang Guggenheim ay nagtatanghal ng isang monographic exhibition para kay German artist Gabriele Münter. Kilala siya sa mahalagang papel na ginampanan niya sa modernist movement noong unang bahagi ng ika-20 siglo, Contours of a World ang sumusuri sa kanyang mga obra na kumakapit sa araw-araw na buhay na hinubog ng paglalakbay at komunidad. Ang kanyang mga muling pagbasa sa landscape, still life at portraiture, na bumubulwak sa matingkad na kulay, ay hindi dapat palampasin.
Isa Genzken, New York
Isa Genzken, Yachturlaub, 1993
Ipinapakita ni David Zwirner ang VACATION, isang solo exhibition ng mga obra ng Berlin-based artist na si Isa Genzken. Sa karerang sumasaklaw ng mahigit limang dekada, sinisiyasat ng multidisiplinaryong praktis ni Genzken ang pabagu-bagong hangganan sa pagitan ng sining, arkitektura, teknolohiya at pagiging subhetibo. Sa pagbaling ng tingin sa mga pamana ng 20th century avant-garde at sa 21st century global society, hinahamon ng kanyang mga obra ang epekto ng lalo pang nag-uugnay at nagko-komodipikang kultura.
Mickalene Thomas, Paris
Didier Plowy pour le GrandPalaisRmn, Paris, 2025
Ang Grand Palais ay nagbibigay-parangal sa African-American artist na si Mickalene Thomas sa pamamagitan ng All About Love, isang matingkad na retrospektiba na sumasaliksik sa visibility at representasyon ng Black women, habang ipinagdiriwang ang pag-ibig bilang puwersa ng paglaya at pagkilala sa sarili. Sa pamamagitan ng painting, collage, photography, video at installation, muling iniisip ni Thomas ang classical portraiture mula sa natatanging queer at Black feminist na perspektiba. Inuusisa ng artista ang representasyon ng Black women sa sining, kasaysayan at popular na kultura, na nakaugat sa kapangyarihan ng pag-ibig na magbago at magpabago.
IN HER ROOM, Paris
Sa Paris, isang libreng eksibisyon para mismo sa International Women’s Day ang magaganap upang itampok ang mga artista mula sa LGBTQIA+ community. Sa puso ng lungsod, ang Artivistas Gallery ay nagtatanghal ng isang makapangyarihang presentasyon na pinamagatang In Her Room, na nagsasama-sama sa apat na babaeng artista at/o miyembro ng LGBTQIA+ community upang tuklasin ang mga obrang sumisisid sa matalik na mundo ng mga silid-tulugan. Isang santuwaryo ng self-expression, pagnanasa at tunay na pag-iral, ito’y isang introspektibong paglubog sa iba’t ibang anyo ng pagiging babae.
