Si Willy Chavarria ang Pinakabagong Designer na Makikipag-collab sa Zara
Inilulunsad ang bagong koleksyong “VATISIMO.”
Kasunod ng kontrobersyal na anunsyo noong nakaraang linggo kasama si John Galliano, ang high-street retailer na Zara ay balik na naman na may panibagong nakakagulat na collab. Ngayong pagkakataon, si Willy Chavarriaay dinadala ang natatangi niyang DNA sa mas maraming tao sa pamamagitan ng isang bagong collaborative collection na pinamagatang “VATISIMO.” Nagmula ang pangalan sa salitang “vato,” isang malambing na tawagan sa Chicano community, at tila sumasagisag sa isang community-focused na koleksiyong hinugot mula sa cultural pride at heritage ni Chavarria.
Tapat sa pirma niyang estetika, tampok sa koleksiyon ang matalas na tailoring at oversized na mga proportion sa iba’t ibang category tulad ng ready-to-wear, accessories at alahas. Gawa sa Italian fabrics na sinabayan ng silky cupro at premium leather, nakaugat ang koleksiyon sa classic denim at jersey, na ipinares sa mga standout piece gaya ng structured pencil skirts at raw-edged shirts.
Gaya ng karamihan sa mga nauna at sunod-sunod na designer collaborations ng Zara, sinalubong din ang balita tungkol sa koleksiyong ito ng ilang batikos, at marami sa mga tagahanga ni Chavarria ang nag-aalala kung mababawasan ba nito ang bigat ng mensahe ng designer. Kasunod ng Galliano announcement ng brand, tila hati ngayon ang fashion crowd pagdating sa kasalukuyang strategy ng Zara—pero magbabago kaya iyon?
Silipin ang campaign sa itaas at abangan ang opisyal na petsa ng paglabas at detalye ng pricing.
Sa iba pang fashion news, nag-collab ang Miaou at Etam.
