Bumalik na ang Miaou x adidas Originals para sa Round Two

Adidas Originals kakalabas lang ng ikalawang bahagi ng collab na matagal na nating hinihintay. Muling nakipagsanib-puwersa sa brand ni Alexia Elkaim naMiaou, ang pinakabagong chapter ng kanilang partnership ay nakasandal at nag-level up pa mula sasportswear-inspired nilang unang koleksiyon, at ngayon naman ay inspired ng early 2000s references, football fever at WAG culture.

Tila ginawang peg siVictoria Beckham bilang muse para sa collab na ito, ang pinakabagong drop ay naglalayong i-reimagine ang “sideline style” sa pamamagitan ng pagbabalik-tanaw sa isa sa pinaka-inspiring na era ng sports pagdating sa aesthetics. Hango ang koleksiyon sa off-pitch style, na nakatutok sa pino ngunit sobrang glam at feminine na vibe na bumabalot dito.

Tampok ang panibagong bersyon ng Megaride silhouette, ang bagong kicks ay gawa sa makinis na leather upper, may silicon-embossed stripes at debossed na co-branded details. May dalawang colorway: unang pares ang silver na may orange accents, kasunod ang baby blue na may silver accents.

Kasama sa apparel selection ang isang jersey, baby blue na corset at isang pares ng puting nylon track pants. May “Miaou Sport” graphic sa gitna ang jersey, kasama ang custom crest, matte piping at rounded hem. Sunod, ang corset ay dinisenyo gamit ang bungee cords sa side panels, elastic shoulder straps at embroidered co-branding. Kumukumpleto sa line-up ang sobrang early-2000s-but-still-very-cool na Nylon Pants, na nirefresh gamit ang concealed zippers at embroidered branding.

Kasabay ng release ang isang bagong campaign na tampok sina footballer Riccardo Calafiori at model Alyson Dubey, kinuhanan sa ever-iconic na estilo ng paparazzi photos noong 2000s.

Silipin ang campaign sa itaas, at tumungo sa adidas website sa Abril 30 para makabili ng bagong koleksiyon.

Sa iba pang fashion news, i-check out din angRachel Sennott for Marc Jacobs.