Kilalanin ang Nude Project, ang Bago Mong Paboritong Spanish Streetwear Brand
Bumisita kami sa Barcelona para silipin ang pinakabagong flagship ng brand at tuklasin ang kwento sa likod ng pinagmulan nito.
Kung hindi ka pa pamilyar sa Nude Project, malapit na iyong magbago. Itinatag nina Bruno Casanovas at Alex Benlloch noong 2019, ang brand ay may 11 tindahan na ngayon sa iba’t ibang panig ng mundo, kasama ang tatlong malupit na collab sa Playboy at isang mabilis lumalaking komunidad ng fashion lovers sa iba’t ibang sulok ng mundo.
Habang naghahanda ang brand na buksan ang flagship nito sa Barcelona, bumiyahe kami papunta sa maaraw na siyudad para bisitahin ang opisina ng Nude at alamin pa ang kuwento sa likod ng tagumpay ng brand at ng bago nitong museum-inspired na store.
Basahin pa para sa buong interview at pumunta sa website ng Nude Project para i-shop ang pinakabagong mga koleksiyon nito.
Kuwentuhan mo kami nang kaunti tungkol sa brand at kung ano ang nagtulak sa inyo na simulan ito. Saan nagsimula ang lahat?
Nude Project: Nude Project ang pangalan ng brand, pero damit talaga ang binebenta namin, na medyo ironic. Nagsimula kami noong 18 kami. Nakilala ko itong isang kid—na best friend ko na ngayon—basta isang batang na-meet ko lang sa social media. Sabi niya, “Yo, may ginagawa ka ba?” Sabi ko, “Wala, actually sobrang bored ako at parang wala akong ginagawa sa buhay. Gawa kaya tayo ng brand? F-ck it, sige, let’s do it.” Pitong taon na mula noon, at the rest is history. Ngayon, may ganito kaming amazing na store, at kaya na naming pondohan ‘yung mga baliw naming idea, na siguro ‘yon ang pinakamatinding success.
Maaari mo bang ikuwento nang mas detalyado ang story sa likod ng pangalan ng brand?
Sana nga may cool kaming kuwento na tipong, “Sinimulan namin ang Nude Project kasi nudists kami ni Alex at palagi kaming naka-nude sa beach, at iyon ang naging inspirasyon ng clothing brand.” Ang cool sana, pero hindi iyon ang totoong kuwento. Ang totoo, iba dapat ang pangalan namin, pero hindi namin siya ma-register legally dahil mga bata pa kami, sobrang naive, at hindi alam na kailangan palang gawin ‘yon. Nagsisimula sa NP ‘yung lumang pangalan, kaya parang, “Oh my god, ano na gagawin natin? Kailangan nating maghanap ng bagong brand name.” Binuklat namin halos lahat ng diksyunaryo sa lahat ng lengguwahe sa mundo, tapos biglang lumabas ang Nude Project. Naisip namin, “What the f-ck, ang weird. Pero parang gusto ko ‘to.”
Obviously, nagsimula ang brand sa mas unisex o menswear, tapos nag-develop kayo ng full-on womenswear collection. Bakit ninyo pinush ‘yon?
Kasi sobra akong proud sa women’s collection namin. Lagi kong naiisip, “Kung magkaka-girlfriend ako, gusto ko rin siyang bihisan [ng brand].” Sa totoo lang, kami na ang may pinaka-cute na bikinis sa mundo, at ang saya lang mag-design para sa isang taong hindi ako. Mas interesting siya bilang project. I love women, at mahal ko ang female figure. ‘Yung mabihisan mo ang isang babae, maparamdam mo sa kanya na empowered siya at ang ganda-ganda ng pakiramdam niya sa sarili niya—para sa akin, ‘yon ang pinaka-cool na bagay.
Ano ang pinakamalalaking pinagkaiba sa pagdi-design ng womenswear kumpara sa menswear? Ano ‘yung mga bagay na iniisip mo?
Feeling ko kami, bilang mga lalaki—and I think puwede akong magsalita for the collective—basic lang talaga kami, sobrang simple. Makakita ka ng denim pants at white T-shirt, okay na, “Oh, cool.” Ang women, sobrang mas complex pagdating sa pagbibihis—mas elegant, mas sophisticated. Iba ang level ng standards… Pakiramdam ko, mas marami silang hinihingi pagdating sa fashion at mas mataas ang expectations nila sa designers, kaya ‘yon siguro ang naging pinakamalaking challenge.
Sa paglipas ng mga taon, ang dami n’yo nang nagawang banggang collabs. Siyempre, unang papasok sa isip ‘yung Playboy. Paano nagsimula ‘yon?
Ang collab na ‘yon ay ipinanganak mula sa matinding paghanga sa brand na Playboy noong ’70s. Maraming iba’t ibang opinyon ang tao tungkol sa Playboy, at gets ko ‘yon, pero gusto naming bigyan ng bagong basa ang identity at aesthetic ng Playboy sa panahon ngayon, gamit ang values namin. Para sa akin, doon nabuo ‘yung magic ng collab; naging sobrang special niya.
Paano kayo nagde-decide kung sino ang ike-collab, at para sa’yo, ano ang bumubuo sa isang magandang collaboration?
Sobrang naka-depende ang collaborations sa mga tao. Kapag na-meet ko ang isang wavy na tao na nagpapatakbo ng sobrang cool na brand, minsan mas mahalaga pa sa akin ‘yung tao kaysa sa brand. Kapag may nagki-click sa inyo at sobrang motivated siya, alam mong may mangyayaring magic. Minsan, may mga cool na brand pero pag hawak na sila ng malalaking korporasyon, ang dami mong bawal gawin at hindi ka makagawa ng mga tingin mo ay magical—sobrang limiting n’un.
Ano ang bumubuo sa isang magandang collab? Freedom. Mga taong genuinely excited na mangyari ito at maghatid ng bago sa mundo. At siyempre, dalawang brand na hindi mo i-e-expect na magsasama—‘yung element of surprise ang cool sa collaborations. Ayokong makakita ng bagay na obvious na “may sense.” Gusto ko ‘yung mga bagay na nagpi-f-ck up ng utak ko.
Ang daming usapan online lately na “patay na ang streetwear.” Ano ang take mo doon?
Para sa akin, ‘yung “streetwear” isa lang ‘yang label na ibinigay ng mga tao sa prêt-à-porter o everyday fashion. Hindi mamamatay ang everyday fashion kasi kailangan pa rin naman nating magbihis para pumasok sa trabaho, sa school, saan man. Pero ‘yung term na ‘yon, sumasalamin siya sa malaking pagbabago ng panahon—Supreme, Palace, mga brand na love ko noong kabataan ko, baka hindi na sila nasa peak ng cycle nila ngayon. Naniniwala pa rin akong ang ganda ng value proposition nila, pero panahon na rin para sa bagong brands, bagong ideas. So tawagin mo siyang prêt-à-porter, streetwear, o everyday wear—kakailanganin pa rin ng tao ang gano’ng klaseng damit. Sana hindi pa patay ang streetwear, kasi kung oo, hindi ko na kayang i-finance ang store na ‘to…
Bukod sa pagbubukas ng mga tindahan, ano pa ang ibang goals mo para sa brand? Ano pa ang gusto mong gawin?
Kung hahayaan lang nila akong patuloy na lumikha at bigyan ng budget para gawin ‘yung mga amazing na bagay tulad nitong store, content na siguro ako. Baka nawala na ‘yung dating ambition ko—baka tumatanda na ako? Kasi pakiramdam ko, masaya na ako sa ganito: na gumigising araw-araw para makatrabaho ang mga amazing at talented na taong sobrang nire-respeto at hinahangaan ko, at makagawa ng mga produktong at campaigns na nagdadala talaga ng value at excitement sa mundo.
