Ang Bagong Collab ng Sperry at Colbo ang Coastal Drop ng Tag-Init
Kung ang summer moodboard mo ay puno ng araw na nakakasilaw, effortless styling at quiet luxury, swerteng-swerte ka. It’s a boat shoe summer: muling nagsanib-puwersa ang heritage footwear brand na Sperry at ang lifestyle label na Colbo mula New York para sa kanilang ikatlong collaboration—isang perpektong coastal summer capsule na ready nang saluhin ang buong season mo.
Ang Sperry x Colbo Authentic Original 2-Eye Boat Shoe lineup ay isang napakagandang pagpupugay sa pamana ng maritimo, na binigyan ng makabago at artisanal na mga detalye. Ipinagdiriwang ng koleksyon ang likas na tekstura at patinang unti-unting nabubuo, sa pamamagitan ng tatlong kapansin-pansing bersiyong may teksturang lalong gumaganda habang tumatagal.
May tatlong bersiyon ito: presko at matingkad ang teksturang jute, washed linen para sa maiinit na araw ng tag-init, at ang perpektong worn leather na tila gamit na gamit na mula pa sa unang araw. Kinuha ng Colbo ang klasikong estilo ng boat shoe at itinaas ang antas nito sa pamamagitan ng mga premium na tela.
Sa unang pagkakataon, available ang matagal nang inaabangang release na ito sa mas malawak at inklusibong sukat, mula women’s US 4 hanggang 13. Naglalakad ka man sa mabuhanging dalampasigan o sa maiinit na bangketa ng siyudad, idinisenyo ang mga sapatos na ito upang maging paborito mong simple ngunit maaasahang kasama araw-araw.
Ang kampanya mismo—na kinunan bilang serye ng nostalhik na summer postcards ng grupo ng mga photographer na kinabibilangan nina Marina Coenen, Lucia Bell-Epstein at Austin Calvello—ay perpektong bumihag sa romantisadong enerhiya ng tag-init.
Mabibili na ngayon ang koleksyon sa mga website ng Sperry at Colbo, gayundin sa piling retailer.
Sa iba pang balita, inilabas ng Dr. Martens and MHL. by Margaret Howell ang una nilang kolaborasyon.
