Pwede Bang Palitan ng Skincare Ingredient na ’To ang Lip Filler Mo?
Sabi ng TikTok, parang “filler in a bottle” daw ang volufiline — kaya nagtanong kami sa mga eksperto kung totoo at safe ba ito.
Hindi magsawa-sawa ang internet sa cosmetic surgery at kung anu-anong tweakments. Kaya hindi na nakapagtataka na nangskincare ingredient na volufiline ay nagsimulang umarangkada ang hype saTikTok bilang isang “needle-free filler alternative,” mas dumami ang mga beauty lover na naengganyong isama ito sa kanilang routine, lalo na’t sinuportahan ito ng mga paboritong brand tulad ng Medicube atThe Ordinary na sumasabay din sa hype. Mula sa pangakong mas malalaking labi, mas punô na under-eyes, hanggang sa aksidenteng “namagang” daliri, biglang naging mainit na usapan ang volufiline dahil sa tila kitang-kitang resulta nito. Pero ayon sa mga dermatologist, hindi ganoon kasimple ang katotohanan.
Kilala ito dahil sa kakayahangmagpa-mukhang mas punô at mas buo angbalat, dahil pinupukaw nito ang fat cells sa mga bahagi ng katawan na nawawalan na ng volume. Pero kahit ikinukumpara ito ng TikTok sa breast filler at lip injections, giit ng mga eksperto, malayong-malayo iyon sa totoo. “Pansamantala at banayad na pagdagdag-volume lang ang kayang ibigay ng volufiline, hindi permanenteng structural change — dahil topical ingredient lang ito,” paliwanag ng double board-certified plastic surgeon na siDr. Robert Schwarcz sa Hypebae.
Dagdag pa rito, si Dr. Schwarcz ay naniniwalang hindi lang nakaliligaw ang pagtabi ng volufiline sa professional fillers, kundi sobra rin nitong tina-taas ang inaasahang kaya nitong gawin. ““Hindi nito kayang ibalik ang nawalang taba sa mukha, iangat ang lumalaylay na tissue o magdagdag ng structural volume gaya ng kayang gawin ng professional dermal fillers,” aniya. Higit pa roon, nagbababala ang mga eksperto na dapat itong gamitin nang sobrang maingat dahil hindi pa lubos na alam ang mga pangmatagalang epekto nito.
@skin_vestment Kayong matagal nang nandito, alam n’yo na na love ko talaga ang volufiline! Ginagamit ko siya sa lips at under-eyes at napansin ko ang malaking pagbabago sa pareho. Consistency ang susi! Araw-araw akong naglalagay ng serum sa labi, nilalagyan ng plastic lip mask (hindi naman kailangan) at hinahayaang kumapit. Pagkalipas ng mga 20 minuto, naglalagay ako ng patong ng Vaseline at hinahayaan kong “mag-marinate” ang lips ko! Kita ko talaga ang diperensya#volufiline #lipcare #volufilineserum #lipbalm #antiaging ♬ Hot Air Balloon – Adam Woods
Bukod sa pagiging medyo bagong development sa beauty scene, hindi pa FDA-approved ang volufiline. ““Hindi ito produktong inaprubahan ng FDA at hindi rin inirerekomenda na isama ito nang regular sa iyong skincare routine. Magiging sobrang maingat ako sa paglalagay nito sa mukha at lalo na sa iba pang bahagi ng katawan,”ayon sa board-certified plastic surgeon na si Dr. Douglas Monasebian.Bagama’t kadalasan itong isinasama sa hanay ng ibang skincare products na may mas pamilyar na ingredients, binibigyang-diin ni Dr. Monasebian na pang-cosmetic effect lang talaga ang volufiline, hindi para sa tunay na kalusugan ng balat.
“It would be silly na isipin na maaari nang lumaki nang husto ang iyong dibdib sa simpleng pagpahid lang ng kung anumang topical product. Maaari itong pansamantalang mag-augment ng ilang bahagi ng mukha, pero hindi pa natin alam ang pangmatagalang epekto ng sangkap na ito,” dagdag niya. Sa realidad, ang simpleng paglalagay ng cream o serum ay hindi kailanman makapapantay sa resulta ng injection. Sa halip, dapat gamitin ang volufiline nang paunti-unti at bilang pansamantalang solusyon sa pagkawala ng volume.
Gaya ng kahit anong pinagkakaguluhang produkto, paalala ng mga dermatologist na laging mag-ingat. Kapag nagdududa, mag-patch test muna at siguraduhing basahin nang mabuti ang label bago isama ang kahit anong hindi pamilyar na produkto sa iyong daily routine. Dahil kahit pa ipinagpipilitan ng TikTok na ang volufiline ay “filler in a bottle,” hindi pa kumbinsido ang mga eksperto — ibig sabihin, malamang hindi ka rin dapat basta maniwala.
