Ginawang mga Manonood ng FENDI ang Lahat para sa SS27
Karaniwang nagbibigay ng pahiwatig ang imbitasyon sa isang fashion week show tungkol sa mga darating. Para sa FENDI, ito lang ang nakasaad sa imbitasyon ngayong season: “Gusto ko ang katawan ko kapag kapiling nito ang katawan mo.” Maaaring nagulat ka sa una, pero makasisiguro kang hindi ito mga salita ni Maria Grazia Chiuri. Mula ito sa tulang isinulat ng Amerikanong makatang si E.E. Cummings noong 1925.
Ang nag-uugnay sa mga salitang ito at sa sumunod na palabas ay ang pagsisiyasat sa mga ugnayan. Para kay Cummings, tungkol ito sa romansa at koneksiyon. Ngunit para kina Chiuri at Fendi, nakatuon ito sa relasyon ng moda at ng katawang nagsusuot nito. Sinuri ng koleksiyon ang ugnayang ito, mula sa serye ng mga panloob na kasuotang may pinong lace, burda, at pastel na kulay, hanggang sa mga look na tila costume at hango kay Raffaella Carrà.
May iba pang pinaghanguan ang disenyo ng entablado ng show: ang likhang-sining na Cubo di specchi (Mirror Cube) ng Italyanong iskultor na si Luciano Fabro. Layunin nitong “pagharap-harapin ang mga manonood,” at sa naging resulta, nakaharap ang audience sa isang kahong may salamin kung saan naglakad ang mga modelo.
Tingnan sa itaas ang ilan sa mga paborito naming look. Para sa iba pang ganap sa Milan Fashion Week, alamin din ang nangyari sa Prada at Diesel.
