Isamaya Ffrench Pinaghalo ang Beauty at Sport sa Bagong Nike Collection
Ang makeup artist na si Isamaya Ffrench ay nag-anunsyo ng isang bagong collab kasama ang Nike. Humuhugot ng inspirasyon mula sa London na cityscape at sa tensyon sa pagitan ng babaeng atleta at beauty, nakasentro ang limited-edition capsule collection sa Vomero Premium sneaker ng Nike. Bilang pagdiriwang sa launch, kinuha ni Ffrench ang Nike athlete na si Dina Asher-Smith para maging pangunahing mukha ng raw na campaign.
“Si Isamaya ay isang creative force, at gusto ko na ang collection ay inspired ng lungsod na pareho naming pinanggalingan at mahal naming takbuhan. Ang London ay maganda, diverse at vibrant, pero isa rin itong lungsod na sobrang hardworking, may totoong tapang, at humubog sa kung sino ako — bilang isang tao at bilang isang runner,” sabi ni Asher-Smith sa isang press release.
Binibigyang-diin ang innovative beauty lens ni Ffrench at ang hindi matatawarang impluwensiya ng Nike sa running community, inihahatid ng collab ang Vomero Premium sa pirma niyang chrome colorway kasama ang SCULPT 04 Recovery Tool. Dinisenyo sa pakikipag-collab sa reflexologist na si Maria Pecoff, ang SCULPT 04 massage accessory ay nagsisilbing kailangang-kailangang ka-partner para sa post-run recovery.
Ang Isamaya Ffrench x Nike “Run Forever” Collection ay mabibili sa website ng Nike simula Abril 25.
Sa iba pang balita, si Storm Reid ang bagong mukha ng pinakabagong pabango ng Coach.
